ផ្នែកភាសាកុំព្យូទ័រ
អ្នកប្រហែលជាធ្លាប់បានលឺអំពី ការសរសេរកម្មវិធីផ្នែកទន់ សំរាប់ដំណើរការ ក្នុងប្រព័ន្ធកុំព្យូទ័រ ។ យើងទាំងអស់គ្នាត្រូវដឹងថា កុំព្យូទ័រមានសម្ថតភាពខ្ពស់ក្នុងការគណនា ហើយវាអាចទទួលការបង្រៀនពីមនុស្ស អំពីរបៀបពិចារណា ឬដោះស្រាយចំណោទផ្សេងៗ ។ ការបង្រៀនកុំព្យូទ័រ ធ្វើឡើងតាមរយះការផ្តល់ បញ្ជាលំអិត (Clear Instruction) អំពីវិធីសាស្រ្តក្នុងការគិត និយាយរួមបើយើងផ្តល់បញ្ជាយ៉ាងណា វាអនុវត្តន៏តាមដោយគ្មានការតវាអ្វីទាំងអស់ ។
ជាធម្មតាកុំព្យូទ័រស្គាល់តែប្រព័ន្ធគោលពីរប៉ុណ្ណោះ (Binary)1) ដូច្នេះតំរូវអោយអ្នកសរសេរកម្មវិធី ប្រឈមមុខនិងការងារពិបាកមែនទែន ដោយត្រូវសរសេរបញ្ជាតាមរយៈប្រព័ន្ធគោលពីរនេះ ។
កុំអាលរត់ទៅណា នេះជារឿងក្នុងអតីតកាល ខ្ញុំរំលឹកទុកជាអនុស្សារីយ៍ ឥឡូវនេះបច្ចែកវិទ្យាមានការវិវឌ្ឈន៍យ៉ាងឆាប់រហ័ស អ្នកស្ទើរតែអាចប្រើប្រាស់ភាសាអង់គ្លេស សរសេរបញ្ជារសំរាប់អោយកុំព្យូទ័រយល់ គេហៅវាថាភាសាកុំព្យូទ័រកំរិតខ្ពស់ (High Level Language) ។ ភាសាកំរិតខ្ពស់របស់កុំព្យូទ័រងាយស្រួលរៀនជាងភាសាកំរិតទាប (Low Level Language) ។
មូលដ្ឋានគ្រឹះ
មុននឹងចូលសមរភូមិអ្នកគួរតែត្រៀមលក្ខណះបន្តិចសិនមែនទេ ? 
អេ!អាក្តាម ម្តេចក៏ហ្អែងសាំញាំម្លេះ ? និយាយអញ្ចឹងក៏បានបើក្តាមទៅហើយ 
។
នៅក្នុងចំនុចនេះខ្ញុំចង់ផ្តោតខ្លាំងទៅលើការបណ្តុះគំនិតគ្រឺះ សំរាប់អ្នកដែលមានជំនឿលើអាក្តាម វាមិនខុសពីការសាងសង់សំណង់អាគារនោះទេ តែកាលណាគ្រឺះអន់ហើយចាំមើលវាឡើងបានប៉ុន្មានជាន់ ? តែខ្ញុំក៏មិនបង្ខំដែរបើសិនជាមិត្តអ្នកអានចង់មានមូលដ្ឋានគ្រឺះមាំបន្តិចសិន ចូរអានអត្ថបទលំអិតនៅទីនេះ ៕
រៀនភាសាកុំព្យូទ័រ
អូ!ឥឡូវនេះអ្នកមានមូលដ្ឋានគ្រឹះព្រមទាំងអារម្មណ៏ល្អសំរាប់អានរឿងភាគ របស់អាក្តាមបន្តរទៀត ។ អរគុណច្រើនខ្ញុំមិនចង់ដណ្តើមការងារជាអ្នកនិពន្ធស្អីទេ គ្រាន់តែគិតថាសរសេរអត្ថបទខ្លះសំរាប់អ្នកដែលមាននិស្ស័យ អានគ្រាន់រំលែកបទពិសោធន៏ ។
ជាបន្តរសូមជ្រើសរើសគោលដៅរបស់អ្នកពីតារាងភាសាដែលអាក្តាមអាចនិយាយបានខ្លះៗដូចតទៅ៖
| ភាសា | ពិពណ៏នា |
|---|---|
| C# 2.0 | អត្ថបទសិក្សាពីវិធីសរសេរកម្មវីធីដោយប្រើភាសា C# ក្នុងបន្តុំការងារ .Net Framework 2.0 |
| PHP 4.x | អត្ថបទសិក្សាពីវិធីសរសេរកម្មវីធីដោយប្រើភាសា PHP សំរាប់បង្កើតគេហទំព័រឆ្លាត |
| JAVA 5,6 | អត្ថបទសិក្សាពីវិធីសរសេរកម្មវីធីដោយប្រើភាសា JAVA ក្នុងបន្តុំកំណែទី ៥ ៦ |
ឧទាហរណ៏ក្នុងជីវិតពិត
សូមចំណាំថាវិធីសាស្រ្ត និងដំណោះស្រាយដែលមានក្នុងគេហទំព័រនេះ មិនមែនសុទ្ធតែជាគំនិតផ្ទាល់របស់ខ្ញុំឡើយ តែជាបទពិសោធន៏ដែលទទួលបានជោគជ័យ ហើយអ្នកក៏អាចអនុវត្តន៍តាម ដោយទទួលខុសត្រូវរាល់កំហុសឆ្គងដោយខ្លួនអ្នកផ្ទាល់ ។
មុននឹងធ្វើការសំរេចចិត្តធ្វើអ្វីមួយ អ្នកគួរតែទទួលបានព័ត៌មានដែលអាចជួយក្នុងការសំរេចចិត្ត ។ ដូចគ្នាបើសិនជាមិនដឹងថារៀនហើយអាចយកទៅធ្វើអ្វីបាន ដូចជាមិនល្អសោះ ។
ខាងក្រោមនេះ ជាការប្រើប្រាស់ភាសាកុំព្យូទ័រ ដើម្បីសំរួលដល់ការងារជាក់ស្តែងមួយចំនួន៖
